Toni Sant
 |
Dan l-artiklu għandu bżonn jiġi wikifikat biex jaqbel mal-istandard tal-Wikipedija. B'mod partikolari, dan l-artiklu huwa nieqes minn referenzi għal sorsi esterni li jivverifikaw il-fatti u perspettivi dwar is-suġġett. Jekk jogħġbok għin biex ittejjeb dan l-artiklu skont il-konvenzjonijiet tal-Wikipedija. |
| Toni Sant | |
|---|---|
 | |
|
Vuċi | |
| Ħajja | |
| Twelid | 1968 (55/56 sena) |
| Nazzjonalità | Malta |
| Edukazzjoni | |
| Alma mater | New York University Tisch School of the Arts |
| Livell tal-edukazzjoni | PhD fil-filosofija |
| Lingwi |
Malti Ingliż |
| Okkupazzjoni | |
| Okkupazzjoni |
akkademiku kittieb xandar Wikimedian in residence (en)  kuratur |
| Impjegaturi |
L-Università ta' Hull (2004 - 2016) Wikimedia UK (2013 - 2015) L-Università ta' Salford (2017 - |
| Xogħlijiet importanti |
Franklin Furnace and the Spirit of the Avant-garde: A History of the Future (en) Remembering Rediffusion in Malta: a history without future? (en) Enrique Tabone: Catalogue Raissoné |
| Premjijiet | |
| Sħubija |
British Art Network (en) |
Toni Sant (imwieled fl-1968) huwa akkademiku Malti u eks preżentatur, produttur u ġurnalist mużikali tar-radju u t-televiżjoni. Huwa Direttur tal-Midja Diġitali u l-Produzzjoni tal-Films fl-Salford University[1] u qabel kien Reader fi Kurazzjoni Diġitali fl-Iskola tal-Arti u Midja Ġdida tal-University of Hull[2] fil-kampus ta' Scarborough, l-Ingilterra.
Karriera fil-qasam tax-xandir
[immodifika | immodifika s-sors]Twieled f'Malta fl-1968. Għal bosta snin, leħnu kien sinonimu max-xandir f'Malta fejn ħejja diversi programmi kemm għar-radju u għat-televixin. Għal xi snin, kien involut ukoll fix-xena mużikali lokali permezz tal-grupp Artwork, fost l-oħrajn, kif ukoll mużika għat-teatru.
Fl-1986 beda karriera fil-qasam tax-xandir. Għall-ewwel ħadem fl-iskema student-ħaddiem mal-Media Education Centre, u aktar tard daħal għal xogħol fiss ma' Xandir Malta f'Gwardamangia. Wara perjodu fl-uffiċju tal-liċenzji tat-televixin u l-ħlasijiet għall-Cable Radio, ingħata l-kariga ta' koordinatur editorjali għar-rivista Il-Ġimgha, li qabel u wara ż-żmien li ħadem fuqha hu, kienet magħrufa bħala Il-Gwida. Fis-snin li ħadem f'Xandir Malta huwa ħadem ukoll bħala producer ta' diversi programmi għar-radju u t-televixin. Fost il-programmi tiegħu minn dak iż-żmien jistgħu jissemmew: Kważi Kull Filgħaxija (1988/89), Mill-Garaxx (TVM - 1989/90), Il-Fil tat-Tiġdid (1989), Mal-20 bid-Daqq (1989/90), Immaġina: John Lennon (Radju Malta - 1990), Blast (TVM - 1990), Tutti Frutti (TVM - 1991), u Il-Festival tal-Kanzunetta Maltija għall-Ewropa (1991).
F'Diċembru 1991, huwa rriżenja minn Xandir Malta u ftit tal-ġimgħat wara aċċetta l-kariga ta' Programme Manager ma' Radio One Live, stazzjon tar-radju b'liċenzja biex ixandar programmi mitkellma aktar milli mużika. Flimkien mal-aħwa Joe u Godfrey Grima, il-propjetarji tal-istazzjon, huwa organizza dak li effettivament kien l-ewwel talk radio kummerċjali f'Malta.
Aktar tard, huwa pproduċa wkoll diversi programmi għar-radju u t-televixin f'Malta, fosthom Skoss (TV - 1995/96), Bil-Maws f'Idejk (1996), Bricolage (1998) u X'Inhu Għaddej (TV - 2002).
Sa minn Settembru tal-2004, huwa jokkupa l-kariga ta' lecturer fl-iScarborough School of Arts & New Media tal-Università ta' Hull ġewwa r-Renju Unit, fejn jikkoordina u jgħallem fil-programm imsejjaħ Media Performance.
Għalkemm irtira mix-xandir tradizzjonali, riċentament (Awissu 2005) Toni Sant xandar sensiela ta' poddati dwar l-avvenimenti tal-11 ta' Settembru. Aktar tard, f'Novembru tal-istess sena, beda sensiela ta' poddati dwar ix-xena mużikali Maltija.
Edukazzjoni
[immodifika | immodifika s-sors]Toni Sant attenda l-iskola primarja tas-sorijiet Franġiskani "St Elizabeth School" f'Tas-Sliema u l-Kulleġġ Missjunarju ta' San Pawl fir-Rabat, kif ukoll il-Liċeo l-Ġdid fl-Imsida fejn studja l-Malti, l-Ingliż u l-filosofija fil-livell avvanzat tal-GCE/Matrikola.
Wara li abbanduna l-karriera tiegħu bħala xandar professjonali f'Malta, Toni Sant beda jsegwi kors universitarju. Huwa ggradwa fl-1996 b’B.A. (Hons.) fl-istudji teatrali mill-Università ta' Malta u wara kompla l-istudji tiegħu f'New York fejn iggradwa b’M.A. fil-Performance Studies fl-1998, kif ukoll b’Ph.D. fl-istess materja fl-2003. Ir-riċerka għad-dottorat tiegħu kienet dwar l-użu kreattiv tal-internet bħala mezz tax-xandir u l-implikazzjonijiet ekonomiċi-politiċi kontemporanji. Parti mir-riċerka tiegħu ġiet ippubblikata f'TDR: The Journal of Performance Studies.
Matul l-istudji tiegħu f'New York, huwa għażel li jiffoka l-attenzjoni tiegħu fuq l-internet u l-aspetti ta' identità kulturali u forom ta' spettaklu marbuta miegħu.
Tnedija tal-MaltaMedia Online Network
[immodifika | immodifika s-sors]Fl-1998 huwa waqqaf il-MaltaMedia Online Network, kumpanija rreġistrata f'Malta biex tħaddem numru ta' siti b'tagħrif dwar u/jew minn Malta. Matul is-snin, il-MaltaMedia Online Network offriet servizz tal-aħbarijiet,direttorju ta' dak kollu li għandu x'jaqsam ma' Malta, kif ukoll siti oħra dwar il-futbol, il-mużika popolari, u t-temp f'Malta u f’Għawdex.
Referenzi
[immodifika | immodifika s-sors]- ^ . Salford University -media-academics/toni-sant http://www.salford.ac.uk/arts-media/arts -media-academics/toni-sant Iċċekkja l-valur ta'
|url=(għajnuna). Parametru mhux magħruf|last=injorat (għajnuna); Parametru mhux magħruf|title=injorat (għajnuna); Parametru mhux magħruf|access-date=injorat (għajnuna); Parametru mhux magħruf|first=injorat (għajnuna);|title=nieqes jew vojt (għajnuna) - ^ . iParadigms Europe. 2014 https://web.archive.org/web/20140715142416/http://www.plagiarismconference.org/conference/keynote-speakers. Arkivjat minn l-oriġinal fl-2014-07-15. Miġbur 22 ta' Ġunju 2014. Parametru mhux magħruf
|title=injorat (għajnuna); Iċċekkja l-valuri tad-data f':|data-aċċess=(għajnuna);|title=nieqes jew vojt (għajnuna)
Ħoloq esterni
[immodifika | immodifika s-sors] |
Wikimedia Commons għandha fajls multimedjali li għandhom x'jaqsmu ma': Toni Sant (Toni Sant) |
- ToniSant.com — Is-sit personali ta' Toni Sant
- http://www.tonisant.com/blog/ — Il-blogg ta' Toni Sant
- MaltaMedia — Sit imwaqqaf minn Toni Sant
- MMON Podcasts — Il-poddati ta' Toni Sant
